WRAP Cymru
Rydych chi yma: Hafan / WRAP Cymru / Cymraeg / Y Diwydiant Ailgylchu /
Image of plastic bottles being reprocessed.

Y Diwydiant ailgylchu

WRAP Cymru yn helpu i ddatblygu seilwaith Cymru ar gyfer ailgylchu ac ailbrosesu gwastraff.

O ganlyniad i’r gwaith hwn, rydym yn anelu at gadw dros 1.1m o dunelli o wastraff allan o safleoedd tirlenwi o fewn dim ond tair blynedd.

Cefnogaeth, cyllid a chanllawiau

O ran busnesau ailgylchu sy'n bodoli eisoes, bydd WRAP yn rhoi cyngor a chymorth uniongyrchol, yn arbennig i fusnesau bach a chanolig.

Er mwyn cefnogi ymdrechion Cymru i ddod yn wlad Ddiwastraff, bydd WRAP hefyd yn gweithio gyda gweithgynhyrchwyr i helpu i gynyddu'r gyfran o'u cynhyrchion sydd wedi'i hailgylchu.

Rhoi hwb i’r economi

Rydym yn falch o chwarae rhan allweddol yn y gwaith o gyflawni targed dros dro heriol i ailgylchu 70% o'r gwastraff yng Nghymru erbyn 2025.

Wrth ddatblygu seilwaith ailgylchu Cymru, byddwn hefyd yn helpu i hybu economi Cymru drwy greu swyddi yn y sector. Drwy gefnogi busnesau ailgylchu yng Nghymru yn uniongyrchol, rydym yn anelu at gynyddu trosiant £6m y flwyddyn dros y tair blynedd nesaf.

Mae'r nod terfynol, sef ei gwneud yn bosibl i wastraff a gynhyrchir yng Nghymru gael ei brosesu o fewn ei ffiniau, yn her rydym yn benderfynol o ymateb iddi, felly rydym yn falch o ddarparu ystod o grantiau cyfalaf a chymorth.